Nazirlik elmi dərəcəsi olan pensiyaçılara müraciət etdi

Nazirlik elmi dərəcəsi olan pensiyaçılara müraciət etdi Təqaüdün təyinatı Nazirlik tərəfindən proaktiv qaydada həyata keçirilir.
Sosial müdafiə
209
3 Fevral , 2021 18:14
Nazirlik elmi dərəcəsi olan pensiyaçılara müraciət etdi

Əmək kitabçasında müvafiq qeydiyyat aparılan əsas iş yeri üzrə elmi müəssisə və təşkilatlarda, təhsil müəssisələrində azı 25 il çalışmış, elmi dərəcəsi olan, işləməyən, əmək pensiyası hüququ olan şəxslərə Azərbaycan Respublikası Prezidentinin 30 dekabr 2020-ci il tarixli 1229 nömrəli Fərmanına əsasən, pensiya əlavələrinin əvəzinə eyni məbləğdə Prezidentin aylıq təqaüdü təsis edilib.

Əmək və Əhalinin Sosial Müdafiəsi Nazirliyindən "Report"a verilən məlumata görə, təqaüdün təyinatı Nazirlik tərəfindən proaktiv qaydada (vətəndaşın müraciəti olmadan) həyata keçirilir.

"Hər hansı səbəbdən proaktiv təyinat aparılmamış bu kateqoriyadan olan vətəndaşlara Prezidentin təqaüdünün təyin edilməsi üçün Əmək və Əhalinin Sosial Müdafiəsi Nazirliyinin tabeliyindəki Dövlət Sosial Müdafiə Fondunun qeydiyyatda olduqları rayon (şəhər) bölmələrinə, DOST mərkəzlərinin xidmət göstərdiyi rayonların sakinlərinin isə həmin mərkəzlərə aşağıdakı sənədlərlə müraciət etmələri tövsiyə olunur:

- Şəxsiyyət vəsiqəsinin surəti;

- Əmək kitabçasının surəti;

- Elmi dərəcəsini təsdiq edən sənədin surəti."

Son xəbərlər

Orphus sistemi