Nazirlik daha bir qaziyə dəstək göstərdi

Nazirlik daha bir qaziyə dəstək göstərdi Vətən müharibəsində yaralanmış Əliyev Əsəd Qurban oğluna dəstək göstərilib
Sosial müdafiə
353
21 Fevral , 2021 13:46
Nazirlik daha bir qaziyə dəstək göstərdi

Əmək və Əhalinin Sosial Müdafiəsi Nazirliyi Vətən müharibəsində şərəfli döyüş yolu keçmiş və döyüşlərin birində yaralanmış Əliyev Əsəd Qurban oğlunu da sosial dəstəklə əhatə edib.

Bu barədə "Report"a ƏƏSMN-dən məlumat verilib.

Qeyd olunub ki, Bakının Xəzər rayon sakini olan qazi anası ilə birgə yaşayır. Nazirlik tərəfindən Əsədə əlillik və bununla əlaqədar Prezidentin aylıq təqaüdü və müavinət təyin olunub.

Bu günlərdə Nazirliyin əməkdaşları qazinin ailəsi ilə görüşərkən o, özünüməşğulluq proqramına cəlb olunmaq, proqramın dəstəyi ilə meyvəqurutma üzrə kiçik müəssisəsini qurmaq istədiyini bildirib. Əsədin bu istəyi nəzərə alınaraq Dövlət Məşğulluq Agentliyi tərəfindən növbədənkənar özünüməşğulluq proqramına cəlb edilib.

Qısa müddətdə ona meyvəqurutma üzrə kiçik müəssisəsini qurmaq üçün bütün avadanlıqlar təqdim edilib.

Son xəbərlər

Orphus sistemi