Yuxarı

Bu il nazirlik 13 676 nəfər işsiz və işaxtaran vətəndaşı işlə təmin edib

56 811 nəfərə peşəyönümü məsləhətləri verilib

Bakı. 27 iyul. REPORT.AZ/ Əmək və Əhalinin Sosial Müdafiəsi Nazirliyi yanında Dövlət Məşğulluq Xidməti (DMX) orqanları tərəfindən bu ilin birinci yarımili ərzində 13 676 nəfər işsiz və işaxtaran vətəndaş münasib işlərlə təmin olunub.

Nazirliyin İctimaiyyətlə əlaqələr şöbəsindən “Report”a verilən məlumata görə, hesabat dövründə DMX-nin Bakı, Sumqayıt, Naxçıvan, Gəncə və Mingəçevir şəhərlərindəki əmək birjaları tərəfindən əhalidən və ayrı-ayrı iş adamlarından müxtəlif peşə və ixtisaslar üzrə qəbul edilmiş sifarişlər əsasında 1 879 nəfər müvəqqəti xarakterli işlərə göndərilib. Bu dövrdə ümumilikdə 1 800 nəfərədək işsiz və işaxtaran vətəndaş kompüter istifadəçisi, bərbər, qaynaqçı, tikişçi, dərzi, qənnadçı, aşbaz köməkçisi, mebel quraşdırıcısı və s. peşələr üzrə peşə hazırlığı və əlavə təhsil kurslarına, həmçinin 675 nəfər haqqı ödənilən ictimai işlərə cəlb edilib.

Yanvar-iyun aylarında DMX tərəfindən gənclərin düzgün peşə seçiminə köməklik məqsədilə 56 811 nəfərə peşəyönümü məsləhətləri verilib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi