Nazir müavini: "Evdar xanımların maddi-sosial təminatının gücləndirilməsi vacibdir"

"Evdar xanımlar işsiz olduğundan maddi-sosial təminatının gücləndirilməsi vacibdir".

"Report" xəbər verir ki, bunu Əmək və Əhalinin Sosial Müdafiəsi nazirinin müavini Anar Kərimov deyib. 

Onun sözlərinə görə, bu günədək müavinətlərin 30 faizi birbaşa qadınlara deyil, uşaqlara dəstək vermək üçün ünvanlanıb: "Azərbaycanda hazırda 14-ə yaxın belə sosial müavinət var. Hazırda növbəti ilin büdcə müzakirələri davam edir. Əgər qurumlar tərəfindən təkliflər verilsə, məsələyə baxıla bilər. Bu işə sistemli şəkildə yanaşmaq lazımdır ki, digər müavinətlərlə uzlaşsın, mütənasiblik nəzərə alınsın. Bundan başqa, qabaqcıl təcrübəyə də baxmaq lazımdır".