DSMF-in nəzdindəki “Məzun evi” Sosial Müəssisəsinin işçilərinin maaşları artırılıb

13 Avqust , 2019 11:44

Əmək və Əhalinin Sosial Müdafiəsi Nazirliyi (ƏƏSMN) yanında Dövlət Sosial Müdafiə Fondunun (DSMF) nəzdindəki dövlət uşaq müəssisələrinin valideyn himayəsindən məhrum olmuş məzunları üçün “Məzun evi” Sosial Müəssisəsinin işçilərinin aylıq vəzifə maaşları artırılıb.

"Report"un məlumatına görə, bununla bağlı Nazirlər Kabinetinin “Dövlət büdcəsindən maliyyələşən bir sıra təşkilatlarda çalışan işçilərin aylıq vəzifə maaşları haqqında” qərarında dəyişikliklər edilib.

Dəyişikliyə əsasən, “Məzun evi” Sosial Müəssisəsinin işçilərinin aylıq vəzifə maaşları aşağıdakı kimi olub:

Sıra №-si	Vəzifələrin adı	Aylıq vəzifə maaşı (manatla)
1.	Direktor	845
2.	Mühasib, hüquqşünas, psixoloq, anbar müdiri - komendant	505
3.	Elektrik avadanlıqlarına baxan – liftçi, çilingər- santexnik, qazanxana maşinisti	450
4.	Xidməti otaqları yığışdıran, yardımçı fəhlə, bağban, gözətçi	290