Yuxarı

Məcburi köçkünlərin problemlərinin həlli ilə bağlı "Qaçqınkom"un strukturlarına tapşırıqlar verilib

Məcburi köçkünlərin problemlərinin həlli ilə bağlı "Qaçqınkom"un strukturlarına tapşırıqlar verilib

Bakı. 6 noyabr. REPORT.AZ/ Qaçqınların və Məcburi Köçkünlərin İşləri üzrə Dövlət Komitəsində ("Qaçqınkom") məcburi köçkünlərin növbəti qəbulu keçirilib.

Bu barədə "Report"a Dövlət Komitəsindən məlumat verilib.

Vətəndaşları Dövlət Komitəsinin sədri Rövşən Rzayev, həmçinin komitənin digər rəhbər işçiləri fərdi qaydada qəbul ediblər.

Məcburi köçkünlərin müraciətləri, əsasən, mənzil-məişət problemlərinin həlli, məşğulluğun təmin edilməsi, vahid aylıq müavinətin verilməsi, kommunal xidmətlər və digər məsələlərlə bağlı olub.

Məcburi köçkünlərə bir daha izah edilib ki, onların sosial problemlərinin həlli daim dövlətin diqqət mərkəzindədir. Prezident İlham Əliyevin bununla əlaqədar müəyyənləşdirdiyi vəzifələrin, verdiyi tapşırıqların icrası təmin edilir, müasir tipli yeni yaşayış kompleksləri salınır, məşğulluq imkanları genişləndirilir. Birinci vitse-prezident xanım Mehriban Əliyeva Bakıda və Sumqayıtda hələ də ağır şəraitdə yaşayan məcburi köçkünlərin mənzil-məişət şəraitinin yaxşılaşdırılması üçün zəruri tədbirlərin həyata keçirilməsini şəxsən nəzarətdə saxlayır.

Qəbul zamanı məcburi köçkünlərin qaldırdıqları məsələlərin həlli ilə bağlı Dövlət Komitəsinin müvafiq strukturlarına konkret tapşırıqlar verilib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi