İşdən çıxarıldığı deyilən fəhlə: "Birinci gün işdə olacağam"

İşdən çıxarıldığı deyilən fəhlə: "Birinci gün işdə olacağam" Sosial şəbəkələrdə videoçıxışı yayılan Taleh Bəşirov işdən azad edilməsi ilə bağlı yayılan məlumatlara münasibət bildirib.
Sosial müdafiə
4484
10 Aprel , 2020 21:42

Sosial şəbəkələrdə videoçıxışı yayılan Taleh Bəşirov işdən azad edilməsi ilə bağlı yayılan məlumatlara münasibət bildirib.

Bu barədə “Report”a açıqlama verən T.Bəşirov bildirib ki, onun işdən çıxarılması ilə bağlı yayılan məlumatlar düzgün deyil:

“Əmək və Əhalinin Sosial Müdafiəsi Nazirliyindən və iş yerimdən də mənimlə əlaqə saxladılar. Yəni, işdən çıxarılmamışam. Həftənin birinci günü də işdə olacağam. Sadəcə olaraq mənim işim ağır işdir”. 

Qeyd edək ki, bundan əvvəl Əmək və Əhalinin Sosial Müdafiəsi Nazirliyi də Taleh Bəşirovun işdən azad edilməsi ilə bağlı sosial şəbəkələrdə paylaşılan məlumatların əsassız olduğu barədə məlumat yayıb.

Bildirilib ki, Taleh Bəşirovun işdən çıxarılması ilə bağlı məlumat yayılandan sonra bu gün səhər Nazirlikdən onu işə götürən tikinti şirkəti ilə (“Maximus” MMC) əlaqə saxlanılıb. Talehin heç bir halda işdən çıxarılmaması tövsiyə edilib.

Son xəbərlər

Orphus sistemi