Regionlarda səyyar protez-ortopedik bərpa xidməti təşkil edildi

Regionlarda səyyar protez-ortopedik bərpa xidməti təşkil edildi Əmək və Əhalinin Sosial Müdafiəsi Nazirliyinin Protez-Ortopedik Bərpa Mərkəzi səyyar xidmətlərini Salyan, Neftçala, Kürdəmir, Ucar, Göyçay, Ağsu, Şamaxı, Qobustan rayonlarında davam etdirib.
Sosial müdafiə
888
22 Avqust , 2020 18:52
Regionlarda səyyar protez-ortopedik bərpa xidməti təşkil edildi

Əmək və Əhalinin Sosial Müdafiəsi Nazirliyinin Protez-Ortopedik Bərpa Mərkəzi səyyar xidmətlərini Salyan, Neftçala, Kürdəmir, Ucar, Göyçay, Ağsu, Şamaxı, Qobustan rayonlarında davam etdirib.

Əmək və Əhalinin Sosial Müdafiəsi Nazirliyindən "Report"a verilən məlumata görə, həmin 8  rayon üzrə 178 nəfər əlilliyi olan şəxsə ehtiyac duyduqları 868  reabilitasiya vasitəsi Mərkəzin əməkdaşları tərəfindən həmin rayonlara aparılaraq verilib.

Bir sıra əlilliyi olan şəxslərin isə müraciətləri əsasında yaxın günlərdə reabilitasiya vasitələri ilə təmin edilmələri üçün onların müayinələri aparılıb və onlardan müvafiq ölçülər götürülüb.

Əlilliyi olan şəxslər qayğı ilə əhatə olunduqlarından, həmçinin ehtiyac duyduqları reabilitasiya vasitələri ilə təmin edildiklərindən, bu sahədə xidmətlərdən razılıqlarını bildiriblər. Onlar həssas əhali qruplarına göstərilən diqqət və qayğıya görə Prezident İlham Əliyevə minnətdarlıqlarını ifadə ediblər.

Ümumilikdə bu ilin ötən dövründə respublikamızın müxtəlif bölgələri üzrə 850-ə yaxın əlilliyi olan şəxsə səyyar formada xidmətlər göstərilib. Ehtiyac duyduqları 2868 reabilitasiya vasitəsi yaşadıqları rayon və şəhərlərə, bir qisminə evlərinə aparılaraq təqdim edilib.

Son xəbərlər

Orphus sistemi