Yuxarı

ƏƏSMN 364 min nəfərdən çox şəxsi aylıq sosial müavinətlə təmin edir

Cari ildə birdəfəlik müavinətlə təmin edilənlərin sayı 60 660 nəfər təşkil edib

Bakı. 28 iyul. REPORT.AZ/ Əmək və Əhalinin Sosial Müdafiəsi Nazirliyinin aylıq sosial sosial müavinətlə təmin etdiyi şəxslərin sayı hazırda 364084 nəfər təşkil edir.

Bu barədə "Report"a nazirliyin İctimaiyyətlə əlaqələr şöbəsindən məıumat verilib.

Məlumata görə, həmin şəxslərdən 40,1 faizi əlilliyə, 4,1 faizi yaşa, 11,6 faizi ailə başçısını itirməyə görə aylıq sosial müavinətlə təmin olunur. Həmçinin aylıq sosial müavinət alanlardan 19,2 faizi sağlamlıq imkanları məhdud 18 yaşadək uşaqlar, 13,4 faizi müharibə veteranlarıdır. Beşdən çox uşağı olan qadınların, müharibə əlilləri və şəhid ailələrinin, I və II qrup Çernobıl AES əlillərinin, müddətli hərbi xidmət qulluqçularının uşaqlarının, ünvanlı dövlət sosial yardımı ilə təmin edilən aztəminatlı ailələrdəki bir yaşadək uşaqların hər birinə görə də aylıq sosial müavinət ödənilir. Müvafiq kateqoriyalardan olan digər şəxslər də Əmək və Əhalinin Sosial Müdafiəsi Nazirliyinin aylıq sosial müavinətilə təmin edilirlər.

Bununla yanaşı, uşağın doğulmasına görə ailələrə, penitensiar müəssisələrdə cəza çəkməkdən azad edilmiş, tibbi və sosial yardıma ehtiyacı olan şəxslərə və qanunvericilikdə nəzərdə tutulan digər kateqoriyalara aid insanlara birdəfəlik müavinətlər verilir. Cari ildə nazirliyin birdəfəlik müavinətlə təmin etdiyi şəxslərin sayı 60660 nəfər təşkil edib.

Bütün sosial ödənişlər kimi, sosial müavinətlərin məbləğinin də mütəmadi olaraq artırılması təmin edilir. Azərbaycan Respublikası Prezidentinin 19 yanvar 2016-cı il tarixli “Sosial müavinətlərin məbləğinin artırılması haqqında” Fərmanına əsasən, sosial müavinətlərin məbləği cari il fevralın 1-dən növbəti dəfə artırılıb.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi