Ədliyyə naziri Zaqatalada vətəndaşları qəbul edəcək

Bakı. 22 avqust. REPORT.AZ/ Ədliyyə naziri Fikrət Məmmədov avqustun 25-də Zaqatala şəhərində vətəndaş qəbulu keçirəcək.

Nazirlikdən "Report"a verilən məlumata görə, qəbul Zaqatala şəhəri, Car küçəsi, 1 ünvanında yerləşən Heydər Əliyev Mərkəzində baş tutacaq. 

Qəbulda Zaqatala, Balakən və Qax rayonlarından olan vətəndaşların ədliyyə fəaliyyəti ilə bağlı müraciətlərinə baxılacaq.