DSMF: Neft sənayesində çalışan pensiyaçıların sayı 26 mindən çoxdur

Bakı. 18 sentyabr. REPORT.AZ/ Azərbaycanda neftçilərin orta aylıq pensiya məbləği 370,8 manat təşkil edir. Dövlət Sosial Müdafiə Fondunun İctimaiyyətlə əlaqələr sektorundan "Report"a verilən xəbərə görə, neft sənayesində çalışmış pensiyaçıların sayı isə 26,8 min nəfərdən artıqdır.

SOCAR fərdi uçot sistemində qeydiyyatda olan sığortaolunanların sayına, eləcə də məcburi dövlət sosial sığorta haqqının ödənişinə görə sığortaedənlər arasında xüsusi çəkiyə malikdir. Bu ilin 8 ayı ərzində SOCAR tərəfindən DSMF-yə neft sahəsində çalışan sığortaolunanlar üzrə ümumilikdə 89 milyon manatdan çox məcburi dövlət sosial sığorta haqqı ödənilib.