​Dövlət Xidməti əcnəbilərin müsahibə verəcəyi tarixi açıqlayıb

Bakı. 19 iyun. REPORT.AZ/ Dövlət Miqrasiya Xidməti Azərbaycanda daimi yaşamaq icazəsinin alınması üçün müraciət edən əcnəbilər üçün 22, 23 iyun tarixlərində müsahibə təşkil edəcək.

"Report" xəbər verir ki, müsahibə əcnəbilərin Azərbaycan qanunları ilə nəzərdə tutulan hüquq və vəzifələri, habelə dövlət dili ilə bağlı biliyinin yoxlanılması məqsədilə keçirilir.

22 iyun tarixində 20, 23 iyunda isə 19 əcnəbi müsahibə verəcək.