Yuxarı

Dövlət Komitəsi: Qubada məhkəmə qərarının icrasında qanuni olmayan faktlar araşdırılır

Dövlət Komitəsi: Qubada məhkəmə qərarının icrasında qanuni olmayan faktlar araşdırılır
Hadisə ilə bağlı xüsusi komissiya yaradılıb

Bakı. 7 yanvar. REPORT.AZ/ "Quba Rayon Məhkəməsində baş verən hadisə ilə bağlı xüsusi komissiya yaradılıb".

Bunu "Report"a açıqlamasında Ailə, Qadın və Uşaq Problemləri üzrə Dövlət Komitəsinin İnformasiya və Analitik araşdırmalar şöbəsinin müdiri Elgün Səfərov deyib.

O bildirib ki, komissiyaya Dövlət Komitəsinin sədr müavini Aynur Sofiyeva rəhbərlik edir: "Həmçinin Dövlət Komitəsinin və yerli icra hakimiyyətinin digər nümayəndələri bu prosesdə iştirak edir. Həmin qrup çərçivəsində hazırda araşdırmalar gedir. Prosesdə iştirak edən şəxslərin hamısı ilə sorğu-suallar davam etdirilir".

Şöbə müdirinin sözlərinə görə, qəbul edilən məhkəmə qərarının icrasında qanuni və qanuni olmayan faktların araşdırılması hazırda davam etdirilir: "Yaxın günlərdə bu məsələ ilə bağlı cavab təqdim ediləcək".

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi