Bakı. 18 may. REPORT.AZ/ "Son 9 ildə Ailə Qadın və Uşaq Problemləri üzrə Dövlət Komitəsinə 1593 şikayət daxil olub".
"Report" xəbər verir ki, bunu Dövlət Komitəsinin Hüquqi təminat şöbəsinin müdiri Taliyə İbrahimova deyib.
O bildirib ki, Azərbaycanda qadınlara qarşı törədilən cinayətlərin təqribən yarısı məişət zorakılığı zəminində baş verir: "Əsas şikayətlər təhlükəsizliyin təmin olunması, zorakılığın təkrarlanmaması, zorakılıq faktı üzrə aparılan işin gedişindən narazılıq və digər zorakılıqlarla bağlıdır".
Şöbə müdiri qeyd edib ki, 2010-cu ildən bugünə kimi zorakılığa məruz qalan qadınlarla bağlı çox az miqdarda mühafizə orderi tətbiq edilib: "BMT-nin statistikasına əsasən, Azərbaycanda 8 faiz qadın zorakılığa məruz qalır".