​Dənizkənarı Milli Parkda bəzi attraksionlar təmirə dayandırılacaq

Bakı. 26 oktyabr. REPORT.AZ/ Dənizkənarı Milli Parkın ərazisində soyuq aylarda az istifadə olunan bəzi attraksionlar təmirə dayandırılacaq.

Bu barədə "Report"a Nazirlər Kabineti yanında Dənizkənarı Bulvar İdarəsinin rəis müavini Nazim Məcidov məlumat verib.

O bildirib ki, bulvar ərazisindəki "Ətrafa baxış" karuseli təmirə dayandırılacaq: "Qış mövsümünə keçidlə əlaqədar olaraq ağacların budanması, müxtəlif formalara salınması, soyuğa davamlı olmayan ağacların bağlanması, qar təmizləyən avadanlıqların işlək vəziyyətə gətirilməsi istiqamətində işlər aparılır. Qış aylarında az istifadə olunan bəzi attraksionlar təmirə dayandırılacaq".