Daşınar əmlakın müvafiq rəsmi reyestrdən çıxarışın nümunəvi formasına dəyişiklik edilib

Bakı. 27 dekabr. REPORT.AZ/ Nazirlər Kabineti "Azərbaycan Respublikası Nazirlər Kabinetinin bəzi qərarlarına dəyişikliklər və əlavələr edilməsi və "İpoteka müqaviləsinin qeydiyyata alınması ilə əlaqədar daşınar əmlakın müvafiq rəsmi reyestrindən çıxarışın Nümunəvi Forması"nı təsdiq edib.

"Report" xəbər verir ki, bununla bağlı qərarı baş nazir Artur Rasizadə imzalayıb.

Dəyişkliyə əsasən, Azərbaycan Respublikası Nazirlər Kabinetinin 2010-cu il 20 avqust tarixli qərarında ipoteka müqaviləsinin qeydiyyatı dövlət qeydiyyatına alınması ilə əvəzlənib və bununla əlaqədar daşınar əmlakın müvafiq rəsmi reyestrindən çıxarışın nümunəvi forması təsdiqlənib.