Bu ilin yanvar-fevral aylarında 661 şəhidin vərəsəsinə birdəfəlik ödəmə olub

Bakı. 14 fevral. REPORT.AZ/ "Bu ilin yanvar və fevral aylarında 661 şəhidin 954 vərəsəsinə birdəfəlik ödəmə həyata keçirilib".

"Report" xəbər verir ki, bunu əmək və əhalinin sosial müdafiə naziri Sahil Babayev mətbuat konfransında deyib.

Onun sözlərinə görə, bu günə qədər ödəniş həyata keçirilən vərəsələrin sayı 5200-ə çatıb: "Dünən komissiyanın iclasında daha 200 şəhidin 300 vərəsəsinə birdəfəlik ödənişin edilməsinə dair qərar qəbul edilib. İlin sonuna 12 268 şəhidin bütün vərəsələrinə bu vəsaitin ödənilməsi təmin ediləcək".

S.Babayev bildirib ki, artıq Daxili İşlər Nazirliyi tərəfindən şəhid polislərin siyahısı göndərilib və onlar elektron sistemə daxil edilib. "Artıq onların da vərəsələri birdəfəlik ödəmə ilə bağlı müraciət edə bilərlər".