​Bu il Naxçıvanda gənclər və idman sahəsində 200-dən çox tədbir keçirilib

Bakı. 7 noyabr. REPORT.AZ/ 2015-ci ilin ötən dövründə Naxçıvan Muxtar Respublikasında (MR) gənclər və idman sahəsində yerli və beynəlxalq səviyyəli 200-dən çox tədbir keçirilib.

"Report"un məlumatına görə, keçirilən yarışlarda 10 mindən artıq gənc iştirak edib.

Muxtar Respublika gəncləri bu il keçirilən idman yarışlarında, ümumilikdə, 60 medal qazanıb. Bunların 33-ü Azərbaycan çempionatlarından, 14-ü beynəlxalq turnirlərdən, 2-si Avropa çempionatından, 2-si I Avropa Oyunlarından, 9-u isə dünya çempionatlarından əldə olunub.