Yuxarı
    Bağlamaq

    Bu il Azərbaycanda​ uşaqlara daha çox hansı adların qoyulduğu məlum olub

    Oğlanlara daha çox Yusif, qızlara isə Zəhra adı verilib

    Bakı. 12 iyul. REPORT.AZ/ Bu ilin altı ayında Azərbaycanda doğulan oğlan uşaqlarından 1 436-na Yusif, qızlardan 1 254-nə Zəhra adı qoyulub. 

    Ədliyyə Nazirliyindən "Report"a verilən məlumata görə, bu il doğulan körpələrə qoyulan adlar arasında sonrakı yerlərdə Nuray (1 007), Hüseyn (1 022), Fatimə (820), Əli (974), Zeynəb (781), Aylin (735), Ayan (608), Ömər (769) və Məhəmməd (603) adları gəlir. 

    Bundan başqa, bu il doğulan körpələrdən 478-nə Səma (son beş ildə 3 812), 294-nə Yağmur (son beş ildə 3 836), 106-na Günəş (son beş ildə 634), 20-nə Rüzgar (son beş ildə 211), 29-na Heydər (son beş ildə 365), 62-nə Əbülfəz (582), 2-nə Məhəmmədəmin (son beş ildə 17), 3-nə Bulud (son beş ildə 32), 1-nə Dağlar (son beş ildə 20) və s. adlar qoyulub.

    Qeyd edək ki, son beş ildə uşaqlara daha çox Yusif (18 192), Zəhra (17 380), Nuray (13 245), Hüseyn (12 548), Fatimə (12 480), Əli (12 336), Aylin (8 504), Zeynəb (8 287), Ayan (8 261), Ömər (8 069), Məhəmməd (7 838) kimi adlar verilib. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi