Yuxarı

​Bu gündən bulvarda "Şaxta baba" və "Qar qız"lar fəaliyyətə başlayıb

Dekabrın 28-də atraksionlar uşaqlar üçün pulsuz olacaq

Bakı. 25 dekabr. REPORT.AZ/ Dənizkənarı Milli Parkda 10 ədəd şam ağacı bəzədilib və bu gündən şam ağaclarının hər birinin yanında bir nəfər "Şaxta baba" və "Qar qız" fəaliyyətə başlayıb.

Bu barədə "Report"a Dənizkənarı Bulvar İdarəsinin rəis müavini Nazim Məcidov məlumat verib.

N.Məcidov bildirib ki, dekabrın 28-də səhər saat 10:00-dan başlayaraq günorta 13:00-dək bulvar ərazisindəki bütün atraksionlar, karusellər pulsuz olacaq. Aksiya 15 yaşınadək olan uşaqlar üçün nəzərdə tutulub.

N.Məcidov dekabrın 31-də yeni ilin gəlişi münasibətilə bulvarda atəşfəşanlıq olacağını da əlavə edib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi