Bakı. 22 avqust.
"Report" xəbər verir ki, yarmarka avqustun 26-27-də Premier Expo Hoteldə olacaq.
Layihə maddi və mənəvi dəstəyə ehtiyacı olanlara yardım edən “Həyat” Fondunun və “Damla” İctimai Birliyinin təşəbbüsü, "Sarafan MF" və "Hijab Queen"in təşkilatçılığı ilə keçiriləcək. Yarmarkadan əldə edilən vəsait kimsəsiz və əlil uşaqlara əsil bayram yaşatmaq üçün sərf olunacaq.
Yarmarkada məşhur brendlərin, gənc dizaynerlərin təqdim etdikləri yeniliklər - gözəl geyimlər, orijinal suvenirlər, aksessuarlar, incə əl işləri təqdim olunacaq.
Qeyd edək ki, yarmarkanın rəsmi açılışı 26 avqust, saat 12.00-da baş tutacaq.