Yuxarı

​Bakı Metropoliteni: Yeni qərara qədər məlumatların ingilis dilidə səsləndirilməsi daimi olacaq

“Stansiyalar haqqında məlumatların ingilis dilində səsləndirilməsinə son qoyulması ilə bağlı qərar yoxdur”

Bakı. 19 avqust. REPORT.AZ/ Bakı Metropolitenində stansiyalararası məlumatların Azərbaycan dili ilə yanaşı ingilis dilində də səsləndirilməsi müvafiq yeni qərar verilənə qədər daimi olacaq. Bunu “Report”a açıqlamasında “Bakı Metropoliteni” QSC-nin Mətbuat xidməti və ictimaiyyətlə əlaqələr şöbəsinin rəisi Nəsimi Paşayev deyib.

“Stansiyalar haqqında məlumatların ingilis dilində səsləndirilməsinə son qoyulması ilə bağlı qərar yoxdur. Məlumatların səsləndirilməsi yeni bir qərar olanadək davam edəcək”, - N.Paşayev bildirib.

Qeyd edək ki, Bakıda keçirilən I Avropa Oyunları ərəfəsində Təşkilat Komitəsinin stansiyalar haqqında məlumatların ingilis dilində də səsləndirilməsi təklifindən sonra Metropoliten bu yeniliyi etmişdi.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi