Yuxarı
    Bağlamaq

    Bahar Muradova: "İnsanlar öz mənfi ambissiyaları üçün uşaqları qurban verə bilməz"

    Milli Məclis sədrinin müavini: Qanunlar ənənələrdən üstün deyil, aşağı tutulacaqsa, çətinliklərlə üzləşəcəyik”

    Bakı. 16 dekabr. REPORT.AZ/  “Qanunların qəbulu, məzmunu ideal ola bilər, amma nə qədər ki, qanunlar ənənələrdən üstün deyil, aşağı tutulacaqsa, bu halda əlbəttə, çətinliklərlə üzləşəcəyik”. 

    “Report” xəbər verir ki, bunu Milli Məclis sədrinin müavini, parlamentin İnsan hüquqları komitəsinin sədri Bahar Muradova “Erkən nikahların qarşısının alınması üzrə imkanların gücləndirilməsi” mövzusunda beynəlxalq konfransda deyib.

    B.Muradova qeyd edib ki, Azərbaycan hökumətinin erkən nikah məsələsinə münasibəti birmənalıdır: “Biz qadınların və uşaqların hüquqlarına prioritet məsələ kimi baxırıq. Bunun üçün hökumət üzərinə düşən vəzifəni yerinə yetirir. Azərbaycan parlamenti nikah və ailə qanunvericiliyi sahəsində ciddi uğurlar əldə edib. Bu kimi məsələlərə cəmiyyətin münasibəti həlledicidir".

    Milli Məclis sədrinin müavini bildirib ki, insanlar öz mənfi ambissiyaları üçün uşaqları qurban edə bilməz: "Uşaqlar oyuncaqla oynamalıdırlar, amma onlar özləri oyuncağa çevrilirlər. Ailədaxili tərbiyəyə diqqət ayırmalıyıq. Biz qızlarımızı başqalarının iradəsindən asılı, oğlanları isə başqasının üzərində hökmran kimi tərbiyə edir, böyüdürük”.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi