Azərbaycanda ünvanlı sosial yardımın təyin olunması müddəti artırılıb

Bakı. 24 fevral. REPORT.AZ/ Azərbaycanda ünvanlı sosial yardımın təyin olunması müddəti artırılıb. "Report" xəbər verir ki, Milli Məclisin bu gün keçirilən plenar iclasında "Ünvanlı dövlət sosial yardımı haqqında" qanuna dəyişiklik edilib.

Dəyişikliyə əsasən, sosial yardım onu almaq üçün müraciət edilən ayın 1-dən etibarən 2 il müddətinə təyin olunur. Həmçinin aztəminatlı ailə sosial yardım almaq üçün təkrar müraciət etmək hüququna malikdir.

Dəyişiklik səsə qoyularaq qəbul edilib.