Yuxarı
    Bağlamaq

    Azərbaycanda kişi və qadınların yediyi ərzağın miqdarı açıqlanıb

    Kişilər çörəkdən daha çox istifadə edib

    Bakı. 25 avqust. REPORT.AZ/ Azərbaycanda qadınların və kişilərin ötən il adambaşına istifadə etdikləri ərzağın miqdarı açıqlanıb.

    Dövlət Statistika Komitəsindən (DSK) "Repot"a verilən məlumata görə, ev təsərrüfatları tədqiqatının yekunlarına əsasən məlum olub ki, ötən il qadınlar 138,4, kişilər isə 138,5 kq. çörək məhsulundan istifadə edib.

    2014-cü illə müqayisədə kartof istehlakı artıb. Ötən il kişilər 72,1, qadınlar 71,8, 2014-cü ildə isə qadın və kişilər 71,3 kq. kartof istifadə edib. Qadınların balıq və və balıq məhsullarının istehlakını azalarkən (7,2 kq), kişilərdə (7,4 kq) bu göstərici artıb. 2014-cü ildə qadınlar 7,5 kq., kişilər 7,1 kq. balıq və balıq məhsulları yeyib.

    Süd və süd məhsullarının istehlakında qadınlar (272,1 kq) kişiləri (271,9 kq), meyvə və giləmeyvə istifadəsində kişilər (78,7 kq), qadınları (77,9 kq) üstələyir.

    Qeyd edək ki, qadınlar tərəfindən süd və süd məhsullarının istifadə göstəricisi 2014-cü illə müqayisədə ötən il azalıb. 2014-cü ildə qadınlar qeyd olunan məhsullardan 275,4 kq. istifadə ediblər.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi