Bakı. 16 iyun. REPORT.AZ/ Azərbaycanda işsiz statusu alanların sayı açıqlanıb.
Dövlət Statistika Komitəsindən “Report”a verilən məlumata görə, bu il iyun ayının 1-i vəziyyətinə məşğulluq xidməti orqanları tərəfindən ölkə üzrə rəsmi işsiz statusu verilən şəxslərin sayı 36,3 min nəfər olub.
Məlumata görə, işsizlərin 37,2 faizini qadınlar təşkil edib. İşsizliyə görə müavinətin orta məbləği 264 manat olub.