Yuxarı
    Bağlamaq

    Azərbaycanda iki dövlət qurumu tərəfindən külli məbləğdə qanunsuz ödənişlər edilməsi aşkarlanıb

    Aşkar edilən qanun pozuntularına dair materiallar Baş Prokurorluğa təqdim edilib

    Bakı. 24 noyabr. REPORT.AZ/ Azərbaycan Əmək və Əhalinin Sosial Müdafiəsi Nazirliyi Aparatının Daxili nəzarət şöbəsi tərəfindən Bakının Xətai rayon Məşğulluq Mərkəzinin və Şabran rayon Əhalinin sosial müdafiəsi mərkəzinin 2010-2013-cü illər ərzindəki fəaliyyətinin araşdırılması zamanı bir sıra qanun pozuntularına yol verildiyi aşkar edilib. "Report" xəbər verir ki, bu barədə nazirliyin İctimaiyyətlə əlaqələr şöbəsinin yaydığı məlumatda bildirilib.

    Nazirlik yanında Dövlət Məşğulluq Xidmətinin Xətai rayon Məşğulluq Mərkəzinin əməkdaşlarının funksional vəzifələrinin icrası vəziyyətinin araşdırılması nəticəsində işsizlik müavinətlərinin təyinatı zamanı 88 halda qanunsuz olaraq 1 37852,95 manat məbləğində dövlət vəsaitinin ödənildiyi müəyyən olunub. Habelə Şabran rayon Əhalinin sosial müdafiəsi mərkəzində aparılan araşdırmalar nəticəsində mərkəz tərəfindən 32 sosial müavinət işi üzrə 50 881,8 manat və 36 ədəd ünvanlı sosial yardım işi üzrə 43 005,1 manat, ümumilikdə 93 886,9 manat (bunun 44 642 manatının araşdırma dövründə büdcəyə bərpası təmin olunub) artıq ödəmənin aparıldığı aşkar edilib.

    Hər iki hal üzrə müvafiq vəzifəli şəxslər ilkin olaraq tutduqları vəzifədən azad olunmaqla, araşdırmaların nəticələrinə dair müvafiq materiallar hüquqi qiymət verilməsi üçün nazirlik tərəfindən Baş Prokurorluğa təqdim edilib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi