Azərbaycan Baş Prokurorluğu vətəndaşların müraciətlərinin elektron qaydada cavablandırılmasına başlayıb

Azərbaycan Baş Prokurorluğu vətəndaşların müraciətlərinin elektron qaydada cavablandırılmasına başlayıb Prokurorluğun saytında “Müraciətlərə onlayn baxılması” funksiyası yaradılıb
Sosial müdafiə
4300
8 Oktyabr , 2014 15:16
Azərbaycan Baş Prokurorluğu vətəndaşların müraciətlərinin elektron qaydada cavablandırılmasına başlayıb

Bakı. 8 oktyabr. REPORT.AZ/ Azərbaycan Baş Prokurorluğu tərəfindən vətəndaşların müraciətlərinin elektron qaydada cavablandırılmasına başlanılıb. Bu barədə “Report”a Baş Prokurorluğun mətbuat xidmətindən bildirilib. Belə ki, vətəndaşların prokurorluq orqanlarına müraciət etmək imkanlarının elektron vasitələrdən istifadə etməklə daha da asanlaşdırılması, daxil olmuş müraciətlərə verilən cavabın onlara operativ çatdırılmasının, müraciətə baxılması vəziyyəti barədə vətəndaşın daha çevik məlumatlandırılmasının təmin edilməsi məqsədilə Baş Prokurorluğun veb-saytında Hüquqi təminat və informasiya idarəsinin İnformasiya texnologiyalarının tətbiqi xidməti tərəfindən “Müraciətlərə onlayn baxılması” funksiyası (bölməsi) yaradılıb.

Prokurorluğa müraciət etmiş vətəndaşlar həmin xidmət vasitəsilə Baş Prokurorluğun veb-saytına (www.prokurorluq.gov.az) daxil olaraq onlara proqram tərəfindən avtomatik olaraq göndərilmiş bildirişdəki koddan və xüsusi paroldan istifadə etməklə müraciətlərinə dair cavabı elektron variantda əldə edə biləcəklər.

Son xəbərlər

Orphus sistemi