Bakı. 18 mart. REPORT.AZ/ Azərbaycanla əməkdaşlıq Avropa İttifaqının maraqları və dəyərləri ilə yan-yana getməlidir.
"Report" Ermənistan KİV-inə istinadən xəbər verir ki, bunu Avropa İttifaqının qonşuluq və genişlənmə siyasəti üzrə komissarı Yohannes Han bu gün "Avronest" Parlament Assambleyasının İrəvanda keçirilən 4-cü sessiyasında bildirib.
"Biz yeni sənəd əsasında əlaqələrimizin bütün aspektlərini əhatə edən istiqamətdə tərəfdaşlarımızdan ideyalar gözləyirik ", - o bildirib.
Y.Han Rusiyadan yan keçəcək Cənub Qaz Dəhlizinin Avropa İttifaqının həyatını canlandıracağına ümid etdiyini təkrar vurğulayıb: "Bunun uğuru isə stabil, təhlükəsiz və inkişaf edən Azərbaycandan asılıdır".