Yuxarı

XİN başçısı: "Azərbaycanın xarici siyasət kursu balanslaşdırılmış və inklüziv xarakterlidir"

XİN başçısı: "Azərbaycanın xarici siyasət kursu balanslaşdırılmış və inklüziv xarakterlidir"

© Report/ Firi Salim — Azərbaycanın xarici işlər naziri Elmar Məmmədyarov

Bakı. 6 avqust. REPORT.AZ/ "Azərbaycanla Avropa İttifaqı arasında viza rejiminin sadələşdirilməsi sahəsində qarşılıqlı əməkdaşlıq uğurla inkişaf edir və bu, hər iki tərəfin maraqlarına xidmət edəcək".

"Report" xəbər verir ki, bunu "RİA Novosti"yə müsahibəsində Azərbaycanın xarici işlər naziri Elmar Məmmədyarov Avropa İttifaqı (Aİ) və Azərbaycan arasında yeni sazişin imzalanması məsələsini şərh edərkən deyib.

Viza rejiminin sadələşdirilməsindən danışan nazir respublikanın hazırda Aİ ilə viza rejiminin sadələşdirilməsi üzrə qüvvədə olan mexanizmə malik olduğunu xatırladıb.

"Azərbaycan və Avropa İttifaqı arasında dialoq tərəflər arasında bərabərlik və qarşılıqlı faydalı əməkdaşlıq əsasında aparılır. Bu günlərdə Aİ rəhbərliyi ilə Brüsseldə keçirilən görüşlər belə yanaşmanın düzgünlüyünü nümayiş etdirdi. Proses doğru istiqamətdə irəliləyir və bu, bizi iki bərabərhüquqlu tərəfdaş - Azərbaycan və Avropa İttifaqı arasında "böyük saziş"in imzalanmasına çıxaracaq", - E.Məmmədyarov bildirib.

Balanslaşdırılmış xarici siyasət kursunun keçirilməsi məsələsini şərh edən E.Məmmədyarov Azərbaycanın xarici siyasətinin "və ya" prinsipinə əsaslanmadığını, balanslaşdırılmış, çoxvektorlu və inklüziv xarakter daşıdığını vurğulayıb: "Bu kursu davam etdirməyin öz bəhrəsini verəcəyinə və xalqımıza və bütövlükdə regionumuza xidmət edəcəyinə əminik".

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi