Vitse-spiker: “Gürcüstan-Azərbaycan strateji tərəfdaşlığı dünyanın aparıcı ölkələri üçün xüsusi əhəmiyyətə malikdir”

“Gürcüstan və Azərbaycan arasındakı strateji tərəfdaşlıq yalnız bu iki ölkə üçün deyil, dünyanın aparıcı ölkələri üçün də xüsusi əhəmiyyətə malikdir”.

“Report”un yerli bürosu xəbər verir ki, bunu jurnalistlərə Gürcüstan parlamentinin vitse-spikeri Gia Volski bildirib.

O deyib ki, sərhəd məsələsi ilə bağlı iki ölkə arasında aparılan danışıqlar strateji tərəfdaşlıq münasibətlərinə əsaslanmalıdır.

Parlamentin sədr müavini danışıqların davam etdiyini qeyd edərək həmkarlarını və opponentlərini səs-küylü bəyanatlardan çəkinməyə çağırıb.