Türkiyə XİN başçısı 20 Yanvar faciəsi ilə əlaqədar Azərbaycan xalqına başsağlığı verib

Türkiyənin xarici işlər naziri Mövlud Çavuşoğlu 20 Yanvar 1990-cı il faciəsinin 30-cu ildönümü ilə əlaqədar olaraq Azərbaycan xalqına başsağlığı verib.

"Report" xəbər verir ki, bununla bağlı M.Çavuşoğlu rəsmi "Twitter" hesabında bildirib.

"Qardaş Azərbaycanın azadlığı uğrunda 30 il əvvəl canlarını qurban verən 20 Yanvar şəhidlərini rəhmətlə anıram", - Türkiyə XİN başçısı vurğulayıb.