Türkiyə səfiri: "Xocalı qətliamının günahkarları hələ də ədalət qarşısına çıxarılmayıblar"

"Xocalı qətliamı dünyanın gözü qarşısında törədilib və təəssüflər olsun ki, faciənin günahkarları hələ də ədalət qarşısına çıxarılmayıblar".

"Report"un yerli bürosu xəbər verir ki, bu barədə Türkiyənin Gürcüstandakı səfiri Fatma Ceren Yazqan jurnalistlərə açıqlamasında bildirib.

Səfir deyib ki, soyqırımında günahsız körpə və uşaqlar, qadın və qocalar qətlə yetiriliblər: "Xocalı faciəsinin ağrı-acısı unudulmur və hər zaman yaşayacaq. Allah Xocalı qurbanlarına rəhmət etsin, bizə isə qətliam günahkarlarını ədalət məhkəməsində görmək nəsib olsun".