Türkiyə baş nazirinin müavini: "Dövlət çevrilişi cəhdində iştirak edənlərlə bağlı istintaq dekabrda yekunlaşa bilər"

Bakı. 12 noyabr. REPORT.AZ/ İyulun 15-də Türkiyədə dövlət çevrilişi cəhdində iştirak edənlərlə bağlı istintaq dekabrda yekunlaşa bilər.

"Report"un "Anadolu" agentliyə istinadən verdiyi xəbərə görə, bunu Türkiyə baş nazirin müavini Numan Kurtulmuş deyib.

Onun sözlərinə görə, Türkiyə məhkəmə orqanları 2017-ci ilin əvvəlindən çevriliş cəhdində iştirak edənlərin işinə baxa bilər.

O vurğulayıb ki, təhlükəsizlik və terrorizmə qarşı mübarizə məsələləri Türkiyə dövləti üçün həmişə prioritet məsələ olaraq qalmaqdadır.