Yuxarı

Rusiya Prezidentinin xüsusi nümayəndəsi: "Azərbaycanla münasibətlərimiz həmişə yüksək səviyyədədir"

​Rusiya-Azərbaycan münasibətləri həmişə yüksək səviyyədədir

"Bakı həqiqətən qəhrəman şəhərdir. Böyük Vətən müharibəsində qələbə qazanmağımızda bu şəhərin rolu misilsizdir".

"Report" xəbər verir ki, bunu jurnalistlərə Rusiya Prezidentinin beynəlxalq mədəni əməkdaşlıq üzrə xüsusi nümayəndəsi, MDB-yə üzv dövlətlərin Dövlətlərarası Humanitar Əməkdaşlıq Fondunun İdarə Heyətinin həmsədri Mixail Şvıdkoy Sankt-Peterburqda keçirilən "Birliyin əldə etdiyi Böyük Qələbə" IX Beynəlxalq Qələbə Forumu çərçivəsində deyib.

O bildirib ki, belə forumu Bakıda da keçirmək olar: "Hətta keçirmək lazımdır. Çünki bu birliyin əldə etdiyi qələbədir. Forum çərçivəsində Bakının ön cəbhənin neft ehtiyaclarının 80%-ni verdiyini xatırladıq. Hesab edirəm ki, bir il sonra, ondan sonrakı il forumun məhz Bakıda təşkil olunması təklifini,- təbii ki, Azərbaycan rəhbərliyi bunu mümkün hesab edərsə, - məmnuniyyətlə qəbul edərik".

Rusiya və Azərbaycan arasında humanitar layihələr mövzusunu şərh edən M.Şvıdkoy onların çox olduğunu söyləyib: "Deməliyəm ki, ölkələrimiz arasında təhsil və mədəniyyət sahəsində əməkdaşlıq prosesi heç vaxt dayanmayıb. Azərbaycan, ilk növbədə, Moskva Dövlət Universitetinin və eləcə də digər Rusiya təhsil müəssisələrinin filialları fəaliyyət göstərir. Birgə çoxlu mədəni tədbirlər keçirilir. Bu yaxınlarda Moskvada tanınmış bəstəkar Qara Qarayevin yubiley gecəsi keçirildi. Tezliklə silsilə iri sərgilər keçiriləcək. Hər il Azərbaycan paytaxtında keçirilən və böyük populyarlıq qazanan "Jara" festivalı isə nəyə desən, dəyər!", - o diqqətə çatdırıb.

Rusiya Prezidentinin xüsusi nümayəndəsinin sözlərinə görə, münasibətlərimiz həmişə yüksək səviyyədədir: "Ölkələrimiz və xalqlarımız arasında etimad səviyyəsi buna bariz nümunədir". 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi