Yuxarı
    Bağlamaq

    Rövşən Rzayev UAFA-nın rəhbəri ilə görüşüb

    Dinlə

    Bakı. 18 may. REPORT.AZ/ Qaçqınların və Məcburi Köçkünlərin İşləri üzrə Dövlət Komitəsinin sədri Rövşən Rzayev Azərbaycana Birgə Yardım Təşkilatının (UAFA) rəhbəri xanım Qven Börçel ilə görüşüb.

    Dövlət Komitəsindən "Report"a verilən məlumata görə, görüş zamanı UAFA-nın fəaliyyəti yüksək qiymətləndirilib, təşkilatın Azərbaycanda həyata keçirdiyi layihələrin əhəmiyyəti vurğulanıb.

    Ölkədə uşaqlarla, onların sağlam gələcəyi ilə bağlı böyük layihələr həyata keçirildiyi, bu siyasətin davam etməkdə olduğu diqqətə çatdırılıb. Azərbaycanın Birinci vitse-prezidenti xanım Mehriban Əliyevanın rəhbərliyi ilə Heydər Əliyev Fondu tərəfindən uşaqların hərtərəfli inkişafı, onların müasir tələblərə uyğun təhsil və tibbi xidmətlərlə təmin olunması, uşaq problemlərinin həlli istiqamətində mühüm layihələrin həyata keçirilməsindən danışılıb.

    Qeyd edilib ki, UAFA-nın Bakı ilə yanaşı, regionlarda da uşaqlar və onların ailələri üçün pulsuz sosial xidmət mərkəzləri mövcuddur.

    Təşkilatın qayğıya ehtiyacı olan məcburi köçkün ailələrinə və uşaqlarına hər zaman dəstək göstərməyə hazır olduğu bildirilib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi