Yuxarı

Rövşən Rzayev Gəncliyə Yardım Fondunun prezidenti Ahmet Tecimlə görüşüb

Rövşən Rzayev Gəncliyə Yardım Fondunun prezidenti Ahmet Tecimlə görüşüb
© Report

Bakı. 3 iyul. REPORT.AZ/ Qaçqınların və Məcburi Köçkünlərin İşləri üzrə Dövlət Komitəsinin sədri Rövşən Rzayev Gəncliyə Yardım Fondunun prezidenti Ahmet Tecimlə görüşüb.

Dövlət Komitəsindən "Report"a verilən məlumata görə, R.Rzayev iki dost və qardaş ölkə arasında bütün sahələrdə əlaqələrin yüksək səviyyədə olduğunu vurğulayıb, ölkədəki qaçqın və məcburi köçkün problemlərinin həlli istiqamətində həyata keçirilən tədbirlərdən danışıb. Azərbaycan ərazilərinin işğalı zamanı qaçqın və məcburi köçkünlər üçün qardaş Türkiyə tərəfindən edilən humanitar yardımları xatırladıb, bu dəstəyə görə təşəkkürünü bildirib.

Dövlət Komitəsinin sədri ölkədə qeyri-hökumət təşkilatlarının fəaliyyəti üçün geniş imkanların olduğunu, qaçqınların və məcburi köçkünlərin problemlərinin həllinə ictimai dəstəyin mühüm əhəmiyyət daşıdığını qeyd edib. 

Bildirilib ki, Prezident İlham Əliyevin apardığı siyasətin mərkəzində ölkə vətəndaşlarının, o cümlədən məcburi köçkünlərin rifahı dayanır. Bu kateqoriyadan olan soydaşlarımızın mənzil-məişət şəraitinin yaxşılaşdırılması istiqamətində ardıcıl tədbirlər həyata keçirilir. Birinci vitse-prezident xanım Mehriban Əliyeva həmin tədbirləri daim diqqətdə saxlayır, məcburi köçkünlərin yeni mənzillərlə təminatı məsələsinə xüsusi qayğı göstərir.

Gəncliyə Yardım Fondunun prezidenti Ahmet Tecim səmimi qəbula görə təşəkkürünü bildirərək fəaliyyət istiqamətləri haqqında geniş məlumat verib. Fondun müharibə iştirakçıları, şəhid ailələri ilə yanaşı məcburi köçkünlərlə də bağlı layihələr gerçəkləşdirdiyini vurğulayıb. Müqəddəs Ramazan ayında Cocuq Mərcanlıda yerli sakinlərlərlə görüşdüklərini, burada yaradılan şəraitlə yaxından tanış olduqlarını diqqətə çatdırıb.

Görüşdə qarşılıqlı maraq doğuran məsələlər müzakirə edilib.   

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi