Prezident İlham Əliyev Hindistanın dövlət başçısına başsağlığı verib

Bakı. 20 avqust. REPORT.AZ/ Azərbaycan Respublikasının Prezidenti İlham Əliyev Hindistan Respublikasının Prezidenti Ram Nat Kovində başsağlığı məktubu göndərib.

"Report"un məlumatına görə, məktubda deyilir: 

"Hörmətli cənab Prezident,

Ölkənizdə baş vermiş irimiqyaslı daşqınlar nəticəsində çoxsaylı insan tələfatı xəbəri məni olduqca kədərləndirdi.

Bu faciə ilə əlaqədar Sizə, həlak olanların ailələrinə və yaxınlarına, bütün Hindistan xalqına öz adımdan və Azərbaycan xalqı adından dərin hüznlə başsağlığı verirəm".