On illik fasilədən sonra Gürcüstan-Azərbaycan hökumətlərarası komissiyasının iclası keçiriləcək

Gürcüstan-Azərbaycan arasında iqtisadi əməkdaşlıq üzrə birgə hökumətlərarası komissiyanın növbəti iclası noyabrda keçiriləcək.

“Report”un yerli bürosu xəbər verir ki, bunu Gürcüstanın baş naziri Giorgi Qaxaria hökumətin iclasında bildirib.

Onun sözlərinə görə, komissiyanın iclası son 10 ildə keçirilməyib.

Hökumət başçısı iclasın noyabr ayının ikinci yarsında baş tutacağını deyib.

O qeyd edib ki, iclas iki ölkə arasında iqtisadi əməkdaşlığı daha da möhkəmləndirəcək.