Nazir müavini: “Ermənistan işğalı davam etdirdikcə hər hansı bir əməkdaşlığımız ola bilməz”

“Avropa İttifaqı çalışır ki, “Şərq tərəfdaşlığı” çərçivəsində Azərbaycanın Ermənistanla hər hansı bir əməkdaşlığı olsun”.

“Report”un Gürcüstan bürosu xəbər verir ki, bunu Azərbaycanın Xarici İşlər nazirinin müavini Mahmud Məmməd-Quliyev jurnalistlərə açıqlamasında bildirib.

Onun sözlərinə görə, Ermənistan Azərbaycana qarşı işğalçılıq siyasətini davam etdirdikcə bu ölkə ilə Azərbaycanın hər hansı bir əməkdaşlığı ola bilməz.

M.Məmməd-Quliyev deyib ki, regional münaqişələr həll olunmasa, bölgədə tərəqqiyə nail olmaq çox çətin olacaq.