Yuxarı

“Millətin Nobeli” mükafatının layiq görüldüyü şəxslərin adları açıqlanıb

“Millətin Nobeli” mükafatının layiq görüldüyü şəxslərin adları açıqlanıb

Bakı. 9 dekabr. REPORT.AZ/ Qərargahı Türkiyədə yerləşən "Beynəlxalq Qəzetçilər və Televiziyaçılar Federasiyası"nın (İPJA) Mükafatlandırma Komissiyası türkdilli dövlətlərdən, o cümlədən Azərbaycandan olan ayrı-ayrı nüfuzlu və görkəmli şəxslərə, dövlət və elm xadimlərinə təqdim ediləcək “Millətin Nobeli” –  humanizm, demokratiya və sülh beynəlxalq mükafatının layiq görüldüyü şəxslərin adını açıqlayıb. 

"Report" xəbər verir ki, sözügedən beynəlxalq mükafata layiq görülən görkəmli və nüfuzlu şəxslər arasında Azərbaycan Prezidenti İlham Əliyevlə yanaşı, Türkiyə Prezidenti Rəcəb Tayyib Ərdoğanın da adı var.

Mükafat verilməsi üçün irəli sürülən digər görkəmli və nüfuzlu şəxslərin adları isə 2018-ci il yanvarın 10-da İstanbulda keçiriləcək toplantı zamanı açıqlanacaq. Tədbirə dünyanın 35 ölkəsindən, o cümlədən Azərbaycandan da tanınmış və aparıcı media nümayəndələri, millət vəkilləri, elm xadimləri və ziyalılar dəvət olunub.

Xatırladaq ki, "Beynəlxalq Qəzetçilər və Televiziyaçılar Federasiyası"nın (İPJA) Mükafatlandırma Komissiyasının 10 üzvündən 2-si Azərbaycandan təmsil olunur. Bunlar İPJA-nın Azərbaycan təmsilçisi Vasif Həsənli və Dünya Azərbaycanlıları Assambleyasının (DAA) prezidenti Rəşad Quliyevdir.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi