Bakı. 16 mart. REPORT.AZ/ "Azərbaycan ildən-ilə inkişaf edir və infrastrukturunu genişləndirir".
"Report" xəbər verir ki, bunu jurnalistlərə açıqlamasında Latviyanın sabiq prezidenti Vayra Vike-Freyberqa V Qlobal Bakı Forumu çərçivəsində deyib.
O, Azərbaycanın müharibədən keçməsinə baxmayaraq, sabitliyin hökm sürdüyü ərazi olduğunu qeyd edib.
"Latviya kimi, Azərbaycan da SSRİ-nin dağılmasından sonra uzun yol qət edib. Amma zəngin təbii ehtiyatları sayəsində Azərbaycan üstünlük əldə edib. Azərbaycanın ildən-ilə inkişaf etdiyini, infrastrukturunu genişləndirdiyini görürəm. Azərbaycanda təbii ehtiyatlar xalqın maraqlarına xidmət edir", - deyə Vayra Vike-Freyberqa vurğulayıb.