Yuxarı

İranın xarici işlər naziri Azərbaycana səfərə gələcək

Məhəmməd Cavad Zərif Bakıda keçiriləcək Asiyanın qəlbi - İstanbul prosesinin nazirlər görüşündə iştirak edəcək
© РИА Новости / Владимир Астапкович — İranın xarici işlər naziri

Bakı. 14 noyabr. REPORT.AZ/ İranın xarici işlər naziri Məhəmməd Cavad Zərif Azərbaycana səfərə gələcək.

Bu barədə "Report"a İranın Azərbaycandakı səfirliyindən bildirilib.

Diplomatın səfərinin əsas məqsədi noyabrın 30-dan dekabrın 1-dək Bakıda keçiriləcək "Asiyanın qəlbi" - İstanbul prosesi təşəbbüsü çərçivəsində 7-ci nazirlər görüşündə iştirak etməkdir.

Görüşün əsas mövzusu "Asiyanın qəlbi" regionunda təhlükəsizlik və iqtisadi əlaqələr olacaq.

Xatırladaq ki, Azərbaycan hazırda Əfqanıstan ilə birlikdə prosesə həmsədrlik edir. Nazirlərin görüşünə, həmçinin təşəbbüsün iştirakçıları olan digər ölkələrdən yüksək səviyyəli qonaqlar, o cümlədən Əfqanıstan Prezidenti Məhəmməd Əşrəf Qəni də gələcək.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi