Yuxarı

İranın sənaye, mədən və ticarət nazirinin Azərbaycana səfərinin proqramı açıqlanıb

​İranın sənaye və ticarət nazirinin Bakıya səfər proqramı açıqlanıb

İranın sənaye, mədən və ticarət naziri Rza Rəhmaninin Azərbaycana səfərinin proqramı açıqlanıb.

İranın Azərbaycandakı səfirliyindən "Report"a verilən məlumata görə, səfər zamanı iranlı nazir Azərbaycanın iqtisadiyyat naziri Şahin Mustafayev, əmək və əhalinin sosial müdafiəsi naziri Sahil Babayev, eləcə də biznes nümayəndələri ilə görüşəcək.

Bundan əlavə, o, Hacıqabul sənaye məhəlləsində Azərbaycan və İranın avtobusqayırma və yedək hissələrinin birgə istehsalı müəssisəsinin təməlqoyma mərasimində iştirak edəcək.

Səfər zamanı Azərbaycanda İran Ticarət Mərkəzinin açılışı baş tutacaq, həmçinin ikitərəfli iqtisadi və enerji layihələri, Şimal-Cənub Dəhlizi, Rəşt-Astara dəmiryol layihəsi, sərgi əməkdaşlığı, əməkdaşlıq memorandumlarının imzalanması haqqında müzakirələr aparılacaq.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi