İqtisadiyyat naziri Şahin Mustafayev Gürcüstana səfərə gəlib

Tbilisi. 27 oktyabr. REPORT.AZ/ Azərbaycanın Respublikasının iqtisadiyyat naziri Şahin Mustafayev oktyabrın 27-də Gürcüstana səfərə gəlib.

“Report”un Gürcüstan bürosu xəbər verir ki, Ş.Mustafayev oktyabrın 28-də bu ölkənin prezidenti Georgi Marqvelaşvili, baş nazir Georgi Kvirikaşvili və iqtisadiyyat naziri Dmitri Kumsişvili ilə görüşəcək.

Görüşlərdə ölkələrimiz arasında iqtisadi sahədə əməkdaşlığın genişləndirilməsi və digər məsələlər müzakirə olunacaq.

Ş.Mustafayev həmçinin Tbilisinin mərkəzindəki Heydər Əliyev Parkında Azərbaycan xalqının ümummilli liderinin abidəsini və Gürcüstanın “Qəhrəmanlar abidəsi”ni ziyarət edəcək.