Hikmət Xəlil Karzai: "Azərbaycan Əfqanıstanda sülh və sabitliyin bərpa edilməsində mühüm rol oynayır"

Bakı. 17 mart. REPORT.AZ/ "Azərbaycan Əfqanıstanda sülh və sabitliyin bərpa edilməsində mühüm rol oynayır".

"Report" xəbər verir ki, bunu Əfqanıstan xarici işlər nazirinin müavini Hikmət Xəlil Karzai Bakıda “Asiyanın Qəlbi - İstanbul Prosesi"ndə iştirak edən dövlətlərin yüksək vəzifəli rəsmilərinin iclasında deyib.

"Azərbaycan "Asiyanın Qəlbi - İstanbul Prosesi" formatının əsas ölkələrindən biridir. Əfqanıstanın yaxın tərəfdaşı kimi, Azərbaycan regionda sabitliyin yaradılması prosesini dəstəkləyir və müxtəlif sahələrdə mühüm rol oynamaqda davam edir", - Hikmət Xəlil Karzai bildirib.