Bakı. 29 sentyabr. REPORT.AZ/ Azərbaycanda dövlət büdcəsində gələn il üçün beynəlxalq fəaliyyət və beynəlxalq təşkilatlara üzvlük haqqına təklif edilən xərclərin məbləği açıqlanıb.
"Report"un məlumatına görə, 2017-ci il dövlət büdcəsi haqqında qanun layihəsində beynəlxalq fəaliyyət və beynəlxalq təşkilatlara üzvlük haqqı üçün ayrılması nəzərdə tutulan xərclərin miqdarı 237 mln. manat göstərilib.
Qeyd edək ki, 2016-cı il dövlət büdcəsi haqqında qanun layihəsində beynəlxalq fəaliyyət və beynəlxalq təşkilatlara üzvlük haqqına görə xərclərin məbləği 193.3 mln. manat olmuşdu.