Yuxarı

Estoniya prezidenti: "Avropa İttifaqı Azərbaycanla əməkdaşlığı genişləndirməyi hədəfləyir"

Estoniya prezidenti: "Avropa İttifaqı Azərbaycanla əməkdaşlığı genişləndirməyi hədəfləyir"

Kersti Kalyulayd: Biz xalqlarımız üçün daha yaxşı nəticələrin əldə olunması üzərində işləyirik

Brüssel. 25 noyabr. REPORT.AZ/ "Avropa İttifaqı (Aİ) Azərbaycanla əməkdaşlığı genişləndirməyi hədəfləyir".

"Report" xəbər verir ki, bunu Brüsseldə jurnalistlərə müsahibəsində Estoniya prezidenti Kersti Kalyulayd bildirib. Estoniya hazırda Aİ Şurasının sədr ölkəsidir.

 "Avropa İttifaqı "Şərq Tərəfdaşlığı"nın bir sıra ölkələri ilə, o cümlədən Azərbaycanla əlaqələrin genişləndirilməsinə yönəlmiş yeni sazişlərin imzalanmasına hazırlıq görür. Biz xalqlarımız üçün daha yaxşı nəticələrin əldə olunması üzərində işləyirik", - K.Kalyulayd deyib.

Onun sözlərinə görə, "Şərq Tərəfdaşlığı" ölkələrinin zirvə görüşləri mühüm əhəmiyyətə malikdir: "Çünki Riqada baş tutan əvvəlki sammitdən sonra bir çox praktiki addımlar atılıb. Bu xüsusilə iqtisadi əməkdaşlığın inkişafına aiddir".

Prezident həmçinin ölkələrimizin islahatlar prosesini davam etdirməsinin vacibliyini vurğulayıb və Avropa İttifaqı üçün "Şərq Tərəfdaşlığı" ölkələri ilə ikitərəfli münasibətlərin prioritet məsələ olduğunu qeyd edib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi