Braziliya Deputatlar Palatasının sədri "Azərbaycan Prezidentinin fəxri diplomu" ilə təltif olunub

Bakı. 31 oktyabr. REPORT.AZ/ Azərbaycan Prezidenti İlham Əliyev Braziliya Federativ Respublikası Milli Konqresinin Deputatlar Palatasının sədri Rodriqo Mayanın “Azərbaycan Respublikası Prezidentinin fəxri diplomu” ilə təltif edilməsi haqqında sərəncam imzalayıb.

"Report"un verdiyi xəbərə görə, sərəncamda deyilir ki, Azərbaycan Respublikası ilə Braziliya Federativ Respublikası arasında dostluq əlaqələrinin inkişafında xidmətlərinə görə Braziliya Federativ Respublikası Milli Konqresinin Deputatlar Palatasının sədri Rodriqo Maya “Azərbaycan Respublikası Prezidentinin fəxri diplomu” ilə təltif edilsin.