Baş nazir Novruz Məmmədov Astana şəhərinə yola düşüb - YENİLƏNİB

Bakı. 1 noyabr. REPORT.AZ/ Noyabrın 1-də Baş nazir Novruz Məmmədovun rəhbərliyi ilə Azərbaycan nümayəndə heyəti Müstəqil Dövlətlər Birliyi (MDB) Hökumət başçıları Şurasının növbəti iclasında iştirak etmək üçün Qazaxıstanın paytaxtı Astana şəhərinə yola düşüb.

Bu barədə “Report”a Azərbaycan Nazirlər Kabinetinin Mətbuat xidmətindən məlumat verilib.

*** saat 14:58

Bakı. 1 noyabr. REPORT.AZ/ Azərbaycanın Baş naziri Novruz Məmmədov Qazaxıstana səfərə gedəcək.

"Report" xəbər verir ki, o, Müstəqil Dövlətlər Birliyinin (MDB) Hökumət Başçıları Şurasının noyabrın 2-də Astana şəhərində keçiriləcək iclasında iştirak edəcək. 

Bu ilin aprelində Baş nazir təyin edilən N.Məmmədov bu vəzifədə MDB Hökumət Başçıları Şurasının toplantısında ilk dəfə iştirak edəcək.